Linux.by

Колькі %% перакладзена?

16.37%

Наконт новых рэлізаў - ІМХО было б някепска займець нейкі changelog - напрыклад, колькі msgid'аў дададзена ў якіх *.po .

А ці засталіся дзе-небудзь апошнія варыянты перакладу KDE клясычным правапісам?

ForeverLive писал(а):А ці засталіся дзе-небудзь апошнія варыянты перакладу KDE клясычным правапісам?

Здымайце з SVN. Там захоўваюцца любыя змены. Але ўлічвайце, што гэта будзе ВЕЛЬМІ неактуальны пераклад.

booxter писал(а):

ForeverLive писал(а):А ці засталіся дзе-небудзь апошнія варыянты перакладу KDE клясычным правапісам?

Здымайце з SVN. Там захоўваюцца любыя змены. Але ўлічвайце, што гэта будзе ВЕЛЬМІ неактуальны пераклад.

Угаварылі. Узяў з i18n.linux.by - падключыў дэбіянаўскі рэпазыторый. Даволі добра - там дзе не перакладалі бяздумна Белазарам з расейскай.

ForeverLive, наколькі ведаю, зараз Белазарам праганяюць новыя пераклады, а потым атрыманыя паўфабрыкаты правяраюць. Я ў гэтым, праўда, не ўдзельнічаю.

booxter писал(а):ForeverLive, наколькі ведаю, зараз Белазарам праганяюць новыя пераклады...

Ага, замест таго, каб перакладаць арыгінал. І атрымліваецца, што замест толькі сваіх памылак будуць яшчэ памылкі расейскага перакладчыка, і глюкі Белазара. На шчасьце, я такое знайшоў толькі ў некаторых месцах.
І наадварот, у адным месцы, дзе я ведаў пра ідыёцкі расейскі пераклад, беларускі перакладчык яўна скарыстаўся галавой па прызначэньні.

Ага, замест таго, каб перакладаць арыгінал. І атрымліваецца, што замест толькі сваіх памылак будуць яшчэ памылкі расейскага перакладчыка, і глюкі Белазара. На шчасьце, я такое знайшоў толькі ў некаторых месцах.

Вы не ў тэме. Тое, што на выхадзе Белазара, мае ў po-файле статус fuzzy, і не скарыстоўваецца пры кампіляцыі mo-файла. І толькі пасля прагону Белазарам паведамленні выпраўляюцца, пры гэтым знікае fuzzy-статус і такім чынам выключна выпраўленныя паведамленні трапляюць у mo-файл.

І наадварот, у адным месцы, дзе я ведаў пра ідыёцкі расейскі пераклад, беларускі перакладчык яўна скарыстаўся галавой па прызначэньні.

Будзьце ласкавыя, паведаміце, што гэта за прадукт. Хай суполка ведае сваіх герояў.

Berserker писал(а):

І наадварот, у адным месцы, дзе я ведаў пра ідыёцкі расейскі пераклад, беларускі перакладчык яўна скарыстаўся галавой па прызначэньні.

Будзьце ласкавыя, паведаміце, што гэта за прадукт. Хай суполка ведае сваіх герояў.

Гейма Konquest. Расейскі пераклад - суцэльны негатыў. Беларускі - адпавядае арыгіналу. Але калі б скарысталіся Белазарам, узяўшы за аснову расейскі пераклад - было б тое ж.

ForeverLive, наконт перакладу адразу ж - згодны, што часам лепей перакладаць з нуля замест белазара - як гэта бачна ў KCron. Але нашмат часцей хутчэй узяць белазараўскі пераклад, прагледзець, выпісаць, якія словы не задавальняюць глабальна (карыстач>карыстальнік), замяніць іх па ўсім файлу і прагледзець кожнае паведамленне, здымая з іх fuzzy і выпраўляя ляпы.

booxter писал(а):ForeverLive, наколькі ведаю, зараз Белазарам праганяюць новыя пераклады, а потым атрыманыя паўфабрыкаты правяраюць.

Натуральна, гэта ад пачатку заганны падыход (бо а) перакладаюць з расейскай, а не беспасярэдне з ангельскай і б) ну, машынны пераклад ёсьць машынны пераклад з усімі ягонымі хібамі). Для лякалізацыі сьлед карыстацца праграмамі на базе памяці перакладаў (мая ўлюбёнка OmegaT). якія, inter alia, дазваляюць кантраляваць тэрміналёгію.

Калі такія разумныя, дзе тыя тысячы жадаючых паперакладаць by their own hands?:)

booxter, няўжо ня бачыш самасупярэчнасьці? Разумных увогуле мала, далёка ня тысячы