Linux.by

Зь некаторым імпэтам ад мяне ды Microsoft сыстэмны адміністратар на працы вырашыў правесьці эксперымент па прыдатнасьці linux дзеля офіснага планктону. З гэтае мэтай на некалькі машынаў быў пастаўлены Debian Lenny з лакаллю UTF-8.
Літаральна на першы дзень была напатканая праблема - openoffice адмаўляецца ставіць пераносы.
Шляхам эксперыментаў было высьветленае, што:
Ані пастаноўка openoffice.org-hyphenation-ru з sarge, ані капіяваньне файла hyph_ru_RU.dic зь інфрарэсурсаўскай зборкі дзеля windows (у якой пераносы ставяцца) - не дапамагаюць.
Пераносы не працуюць ва ўсіх мовах, што карыстаюцца кірыліцай. Дзеля лацінкі ўсё працуе.
Перавод hyph_ru_RU.dic з koi8-r у utf-8 - не дапамагае.
Google ніколі не напаткаў падобнае праблемы.

Ці хто мае якія думкі з гэтае нагоды? Бо будзе шкада, як добры пачын будзе пахаваны такой лухтой.

Ну, пачаць хаця б з такой дробязі як вэрсія ООо. Далей, што значыць «адмаўляецца ставіць»? Не працуе аўтаматычна, або не працуе нават праз мэню?

Паставіў сабе OO3 Інфраўскі (deb0-пакетамі) - пераносы працуюць.

Llama мае рацыю: лепей ставіць інфрарэсурсаўскую зборку, тады расейская — без праблем.

Паспрабую.
Але ўсё адно, цікава...

P.S. Openoffice 2.4.1, JRE 1.5.0, ані аўтаматычна, ані праз меню.

dictionary.lst ў студыю!

Чыста для даведкі, вось што ў мяне для расейскай: адпаведна, ў дырэкторыі са слоўнікамі маю файл hyph_ru_RU.dic.

Дарэчы, Инфра-Ресурс толькі што выпусьціў вэрсію 3.0.0.

dg333, як ні дзіўна, я таксама маю тое самае. Разам з
HYPH en US hyph_en_US
Дык ангельскі тэкст пераносіць. А рускі - адмаўляецца. Пры гэтым ніякіх памылкаў не выдае, затое піша, што "расстаўлянне пераносаў скончана".

А мова тэксту сапраўды расейская? Правер.

І мова тэкста сапраўды расейская...

А што наконт зборкі ад ІнфраРэсурс'у - нейкую лухту яны зрабілі. Дэбіанаўскія пакеты, але не карыстаюць са стандартнага дрэва /usr, а ставяцца ў /opt. У выніку - пакет з рэпазітарыю да яго ўжо не дадасі (ва ўсялякім разе без бубна ды буйного напільніка). $PATH таксама рукамі трэба правіць.
Карацей, нешта не надхнілі яны мяне...

Quantum, прычапі сюды прыклад файла, цікава было б паглядзець.

а ставяцца ў /opt

Дык здаецца ж, гэта цяпер найкашэрнейшы спосаб усталёўкі ў Лінуксе

dg333, прыклад якого файла цябе трэба?

А након кашэрнасьці - гэдак мы хутка прыйдзем да таго, што й бібліятэкі кожная праграма будзе за сабой цягнуць... А там ужо й да рэестру побач...

Хоць якога, дзе пераносы не працуюць.

Quantum, усё правільна наконт /opt -- калі пакет не належыць да афіцыйнага дыстрыбутыву, там яму й месца